Принцезата Татиана од Грција и Данска е родена на 28 август 1980 година во Каракас, Венецуела. Таа е сопруга на принцот Николас, син на кралот Константин II од Грција и кралицата Ана –Марија од Грција кои беа на власт додека траеше монаргхијата.
Принцезата Татиана, иако е родена во Венецуела, таа е одгледана во Швајцарија, а има благородничко потекло од нејзината баба, грофицата Елинка вон Аинсидер.
Таа го има шармот на класична принцеза, има прекрасна појава, со впечатлива коса и очи и лик кој се памети.
Образованието го почнала во интернат во Швајцарија, а го завршила на Унивезритето во Џорџтаун, со диплома по социологија.
Пред да стане дел од кралското семејство, нејзина професија била организатор на настани и консултант за односи со јавност на Diane von Furstenberg, живеејќи во лондонски Челзи.
Со принцот Николас веридбата ја објавиле на 28 декември 2009 година во Лондон. Во август, 2010 година парот се венчал во Грција, на островот Спецес. Целото кралско семејство од Данска, со исклучок на принцот Фредерик, допатувало во Грција за да присуствува на свадбата.
Настан кој бил во интерес на грчката, но и светската јавност, имајќи го предвид историското минато на кралското семејство кога кралот Константин со семејството, во 1967 година ја напушта Грција после неуспешниот обид да се врати на власт. Шест години подоцна, 70% од Грците се изјасниле дека се сакаат прекин на монархијата. Интересно е тоа што грчкиот крал нема пасош, но ја посетува Грција повремено за поголеми настани од јавен карактер.
При објавување на материјали од порталот www.hybread.mk во друг медиум, задолжително наведете го изворот од кој е преземен текстот.
