Утре, со почеток во 12 часот, во книжарницата на ТРИ во ГТЦ ќе се случи BOOK LAUNCH – официјално претставување на најновата книга на познатата авторка, новинарка и активист Ана Јовковска „САКАМ, ЗНАЧИ ПОСТОЈАМ“. По третпат Ана Јовковска успеа да „испече“ свеж, топол и љубовен книжевен колач, неодолив и за најсофистицираните сладокусци. Прашана за тоа кој зачин најмногу го употребува во својата книжевна кујна, Ана без двоумење одговора: Слободата!
САКАМ, ЗНАЧИ ПОСТОЈАМ е духовно патување од и кон себеси. Книга за потребата да го спасиме овој комплициран свет со љубов и добрина. Страниците натопени со љубов изобилуваат со искрени исповеди за животот, емпатијата, среќата, болката, слободата, родителството, човечкото достоинство.
ТРИ и Ана Јовковска ве очекуваат на ова убаво дружење во сабота, 21.12., од 12 часот!
При објавување материјали од порталот www.hybrid.mk во друг медиум, задолжително наведете го изворот од кој е преземен текстот
