Ако некој ги помести границите за поимот „манакенка“ во целиот свет и класичната дефиниција за убавина, тогаш тоа е Синди Крафорд. Жената која поседува витка фигура, предлоги нозе и впечатлив лик ја покори планетата со нејзината појава.
Но, оваа убавица додека била девојче не ни сонувала дека еден ден ќе стане светски позната жена.
Крафорд имала радосно и безгрижно детство, пораснала во малечок град, во типична американска фамилија со две сестри и еден брат.
Додека била девојче, ништо не индицирало на тоа дека симпатичната Синди еден ден ќе стане една од најубавите жени на светот. Не ни мечтаела за тоа бидејќи имала други планови.
Имено, Синди Крафорд како мала сонувала да влезе во светот на политиката и така да стане успешна жена во светот на политиката каде владеат мажите, а можеби и првата жена претседател на Соединетите Американски Држави.
Но, судбината имала други планови за неа. Била забележана од еден фотограф додека работела во една локална модна куќа. По неколку фотосесии за локални американски списанија, таа го започнува патот кон ѕвездите и успехот.
Денеска не е потребно да ги набројуваме нејзините успеси, доволно е само да го спомнеме нејзиното име со оглед на тоа дека таа е еден од моделите што ги одбележа 80-тите и 90-тите години на модните писти и модната индустрија.
При објавување на материјали од порталот www.hybread.mk во друг медиум, задолжително наведете го изворот од кој е преземен текстот
Discussion about this post