Вчера во Лондон се одржа еден од најголемите модни настани во годината The Fashion Awards 2019.
Домаќин на вечерта беше наградуваната американска актерка, извршен директор и продуцент Tracee Ellis Ross, а настанот се одржа во лондонскиот Royal Albert Hall.
Креативниот директор на италијанската модна куќа Botegga Veneta – британскиот дизајнер Daniel Lee освои награда за најдобар британски дизајнер на женска облека, за најдобар светски женски дизајнер и најдобар дизајнер на аксесоари, додека неговиот моден бренд Bottega Veneta беше прогласен за бренд на годината.
Меѓу победниците се најде и Kim Jones, кој беше награден за најдобар британски дизајнер за машка облека, за работа во модната куќа Dior. Најдобрите млади надежи на британската модна индустрија беа прогласени за Bethany Williams за машка облека и Rejina Pyo за жени.
Помеѓу ѕвездите кои прошетаа на црвениот тепих, беа и Rosie Huntington-Whiteley, Irina Shayk, Naomi Watts, Alexa Chung, Cate Blanchett, Julia Roberts и Rihanna која ја понесе со себе наградата “Urban Luxe” за иновации и луксуз на брендот Fenty.
Уште едно име кое внесе значајни промени во модната индустрија е Adut Akech која беше наградена за модел на годината, а нејзиниот пример и инспирација – поранешниот модел Naomi Campbell ја понесе наградата за модна икона на годината. Меѓу добитниците е и италијанскиот дизајнер Giorgio Armani за исклучителниот придонес во светската мода, додека Sarah Burton, креативната директорка на модната куќа Alexander McQueen, беше прогласена за моден пионер. На дизајнерот Christopher Kane му беше врачена наградата “Designer’s Designer” која оваа година е воведена за прв пат, како и наградата “Isabella Blow Award for Fashion Creator” што ја доби стилистот Sam McKnight.
The Fashion Awards 2019 низ фотографии:
Извор: buro247.hr
Фотографии: bbc.com
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
