Министерот за здравство, Венко Филипче, на вчерашната редовна прес-конференција информираше дека нема новодијагностицирани пациенти, а првата пациентка кај која беше дијагностициран вирусот е пуштена на домашно лекување, во сосем добра клиничка состојба.
Добро се спроведува и кризната состојба во Дебар и Центар Жупа, сите органи и тела и сите институции работат координирано. Граѓаните од овој регион покажуваат исклучително висок степен на дисциплина, и придржување до мерките.
Новина е воведувањето телефонска психолошка поддршка на граѓани и ранливи групи од Клиниката за психијатрија, што започна од вчера. Станува збор за психолошка поддршка на родители на деца од предучилишна и училишна возраст, како и психолошка поддршка на возрасни лица во самоизолација и на граѓаните на Дебар и Центар Жупа, во соработка со болницата во Дебар.
1. Психолошка поддршка на родители на деца на предучилишна и училишна возраст – тел. 072912676
2. Психолошка поддршка на возрасни лица во самоизолација – тел. 072919009
3. Психолошка поддршка на граѓаните на општина Дебар и општина Центар Жупа, во соработка со Медицински Центар Дебар тел. 070 241 807
4. Пациентите закажани во Мој Термин за психолошко советување и психотерапија во закажаниот термин ќе бидат контактирани од страна на психолог и ќе се спроведуваат телефонски, со можност за видео врска на некоја од интернет мрежите (по договор).
Министерот повторно упати апел до граѓаните да ги почитуваат препораките за заштита на здравјето, бидејќи тоа е едиствениот начин да се стави крај на патот на ширење на вирусот.
Во моментов во С.Македонија има 23 активни случаи.
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
