Во чест на оваа актерска легенда која не напушти пред некое време, убаво е да се присетиме на некои од неговите најголеми актерски достигнувања.
1.Млад и здрав како ружа
Во овој филм, тој го глуми Стеван, криминалец кој од ситен крадец станува голем и опасен градски лик, а низ целиот филм се провлекува бунтовничката природа која Драган многу сликовите ја прикажува.
2.Национална класа
Во овој филм, Драган Николиќ го глуми Флојд, бунтовник и мангуп, кој на секој можен начин пробува да избегне секаков вид на авторитет, и им пркоси на сите животни правила.
3.Последниот круг во Монца
Овој филм претставува приказна за еден аутсајдер, кој 7 години поминал во затвор за кражба. Вечен бунтовник, незадоволен од системот и луѓето кои го опкружуваат, сака да воспостави сопствен пат за правдата.
4.Лавиринт
После 20 години поминати во странство, излечениот коцкар Поп (Драган Николиќ) се враќа во својата земја. Тука се сретнува со Лаки (Јосиф Татиќ) пријател од лудите млади денови, а сега обичен службеник. Сеуште неодлучен со што би се бавел во животот, Поп заедно со Лаки оди на духовна сеанса. Тука се среќава со своите демони од минатото и пробува да најде излез од безизлезната ситуација.
5.Балкан Експрес
Група ситни крадци и измамници лутаат по разни места маскирани како музичари „Балкан Експрес“. Започнува окупацијата и единствена грижа на овие арамии е како да ја сочуваат својата глава на рамена. Во овој филм Драган Николиќ го глуми Попај, маж кој целокупната ситуација ја третира со доза на хумор и цинизам.
Многу е тешко да се изберат најдобри негови улоги, покрај толку многу. Во сите негови улоги тој оставаше впечаток на голем мангуп и духовита личност. Па така се чини дека во овие филмови кои се набројани погоре, тој дури не ни глумеше, тоа беше едноставно тој.
При објавување на материјали од порталот www.hybread.mk во друг медиум, задолжително наведете го изворот од кој е преземен текстот
