“Наутро не се будам со чувство дека сум сјајна. Совршено сум свесна колку луѓе се заслужни за мојот изглед во јавноста. Јас сум потполно обична личност која работи необична работа.”
Актерката која 11 пати се најде на листата на најубави жени на светот на магазинот People, во едно од нејзините интервјуа открива дека никогаш не поминувала премногу време пред огледало, посебно во последно време, воопшто не сака да се заморува со тоа.
Многумина ќе речат дека ако се на нејзино место нема ниту тие да се оптоваруваат, но сепак станува збор за жена која ја обожава целиот свет, посебно насмевката со која плени.
Таа е мајка на единаесетгодишните близнаци Финеус и Хејзл и на деветгодишниот Хенри Даниел. Вели дека постојаната насмевка на лицето се должи на оптимизмот кој го поседува, а на тоа се должи и убавината на секоја личност, не само нејзината.
Робертс се наоѓа во петата деценија од животот, зад себе има 40 големи филмски наслови и семејство на кое е посветена, но тоа не значи дека во нејзиниот живот нема тешки денови.
“Моите деца не знаат со што се бавам. Таа тема никогаш не испливала на површина затоа што не е толку важна. Тие се само деца, а јас сум нивната мајка и нема потреба да ги соочувам со тоа се уште.” – вели актерката.
Убавата жена засекогаш ќе плени со нејзината насмевка и позитивна енергија која се чувствува и преку големото филмско платно.
При објавување на материјали од порталот www.hybread.mk во друг медиум, задолжително наведете го изворот од кој е преземен текстот.
