Хрватскиот научник Игор Штагљар, специјалист по молекуларна биохемија, со јасни бројки потенцира колку се мали шансите да се заразите од корона вирусот, а уште поважно, шансите се мали да му подлегнете, пренесува хрватски РТЛ.
“Светската здравствена организација (СЗО) објави дека во моментов има 82,413 заразени со вирусот. Од нив, мнозинството, 77.000 се во Вухан Кина.
Вухан има население од 11 милиони. Значи, 0,7 проценти од популацијата на Вухан е заразена, а 99,3 проценти од населението во градот е ослободено од вирус. Ако имате 85 години, шансите да се заразите се 0,7 проценти. Доколку пак се заразите, 14,8 проценти се шансите да умрете од вирусот.
Ако сте под 40 години. Тоа е 0,7 отсто воопшто да се добие и 0,2 отсто да умре од него“.
Поентата на целата приказна: да, постои опасност, но сосема е непотребно да се создава паника“ рече Штагљар.
Што се однесува до Македонија, по објавувањето на информацијата дека кај една жена е констатиран корона вирусот, Министерот за здравство Венко Филипче на синоќешната прес конференција информираше дека сите останати 8 патници и шоферот на возилото се идентификувани и со нив е стапено во контакт, пренесува Алсат М.
Четворица од патниците се од Скопје, а другите четворица од Струмица. Со нив синоќа требаше да постапи епидемиолошки тим од Центрите за јавно здравје од двата града за да се утврди нивната состојба и да бидат советувани и да им се пружи и прва терапија доколку за тоа има потреба.
Лицата што биле во возилото, што биле во контакт со жената кај која е констатиран вирусот, како и сите останати со кои подоцна стапиле во контакт ќе бидат во домашна изолација и под безбедносен надзор.
Од Инстутутот за јавно здравје апелираат до граѓаните да се придржуваат до препораките кои ги објавија.
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
