Денот на планетата Земја секоја година се означува на 22 април. Официјалната дата е утврдена во 1970 година во САД, а од 1992 година се означува и на светско ниво со низа активности.
Во текот на годината читаме за бројки на загаденост и истребување на животински видови кои не плашат, а наша обврска е да се намалуваат бројките од година во година.
Гејлорд Нелсон, сенатор од Висконсин, го основал Денот на планетата Земја во 1970 година за да ја подигне јавната свест за загриженоста во животната средина, како што се загадувањето, излевањето на нафта и изумирачките животни видови.
Неколку факти за состојбата и настанокот на Денот на планетата Земја:
- 22 април беше избран за датум за Денот на планетата Земја затоа што се наоѓа меѓу пролетниот распуст и завршните испити, па така студентите би можеле да земат поголемо учеството.
- Околу 1 милијарда луѓе учествуваат во активностите на Денот на Земјата ширум светот секоја година.
- На денот на Земјата во 2011 година, луѓето засадија 28 милиони дрвја во Авганистан, како дел од кампањата „Засади дрвја не бомби“.
- Популациите на животински видови забележаа вкупен пад од 60 проценти во светот помеѓу 1970 и 2014 година, како резултат на загуба на живеалиштата, загадувањето, климатските промени и други фактори, според WWF.
- Зголемените глобални температури доведуваат до поекстремни временски услови, вклучувајќи поинтензивни пожари и почести урагани со голем интензитет, пренесува Earth Day Network.
- Скоро 80 проценти од целиот пластичен отпад што некогаш создаден од луѓето е сè уште во животната средина, според Recycle Now
- Денес просечниот Американец создава околу 4,5 фунти ѓубре дневно, во споредба со 2,68 фунти во 1960 година, според ЕПА.
Повеќе факти и информации за заштита на средината, можете да прочитате на страната на Рециклирај дома.
