Во Disney светот ништо не е случајно. Сите ги знаеме хероите, принцезите и принцовите, јунаците и секој можен лик кој сме го гледале во цртаните филмови. Но, има неколку интересни информации кои верувам дека ќе го задржат вашето внимание – сите ликови на Disney се меѓусебно поврзани! Еве што не сте знаеле досега:
Херкулес е прв братучед на Ариел. Сирената е ќерка на Кралот Тритон, а Херкулес е син на Посејдон. Кралот Тритон е син на Посејдон, според грчката митологија, а тој е брат на Зевс. Затоа Херкулес и Ариел се роднини.
Омилената книга на Бела, од Убавицата и Ѕверот е “Аладин”. Кога пее во една од сцените, Бела вели: “Па тоа е моето омилено место од сите, има борби со мечеви, магии и сосема обичен човек кој се преправа дека е Принц, но тoj не го открива тоа се до поглавјето број три”. Така Бела го доживува Аладин.
Капетан Кука ја убил мајката на Ариел. Една од сирените, пријателка на Петар Пан, изгледа идентично како Ариел. Таа се вика Атена и се работи всушност за мајка и на најпознатата сирена, Ариел. Сирената од приказната за Петар Пан се плашела од Капетан Кука најмногу од сите останати. Во продолжението на Ариел, дознаваме дека злобниот пират ја убил Атена, односно мајка и на Ариел.
Џејн од Тарзан е всушност внука на Убавицата и на Ѕверот. Бела и Џејн неверојатно личат ако погледнете поубаво, двете ја сакаат жолтата боја и двете знаат како да се однесуваат со мажи кои немаат манири. Џејн се однесува кон Тарзан со истата љубезност и трпение како Бела кон Ѕверот. Ако не верувате, обрнете внимание на чајниот сет кој го има Џејн, следниот пат кога ќе го гледате цртанот.
Родителите на Ана и Елза починале на пат кон свадбата на Заспаната Убавица, а Тарзан пак е брат на Ана и Елза. Кралот и кралицата од Арендеил кога оделе на свадбата, биле vо брод кој потонал, а тие спасувајќи се, завршиле на тропски остров каде кралицата после извесно време родила момче. Но, семејството било нападнато од леопард , а само бебето преживеало. Тоа бебе е Тразан, кој е брат на Ана и Елза.
