Лучијано Павароти роден во Модена, 12 октомври 1935 – Модена, 6 септември 2007 беше италијански оперски пејач. Се смета за еден од најзначајните тенори во 20 век. Павароти исто така е бил и познат по своите хуманитарни дела. Добитник е на медалите Висока комисија на Обединетите Нации за бегалци.
Лучијано потекнува од музичка фамилија. Пред да почне да се занимава со музиката, бил педагог и сакал да стане професор. Тој цели 2 години работел на Scuola delle Magistrale. Во 1956 одлучил да стане пејач и почнал да оди на часови по пеење кај Арига Поле во Модена, а подоцна кај Етор Кампољанија во Мантова. Тој победил на меѓународниот музички натпревар. Неговиот прв јавен настап надвор од Италија бил во Белград-Србија. Потоа го повикуваат разни италијански, холандски, и други оперски куќи (Виена, Цирих). Во 1965 работел во САД и Австралија со Џоан Сатерленд.
Ви претставуваме неколку цитати од Лучијано Павароти:
„Ривалството е со самите себе. Јас пробувам да бидам колку што е можно подобар. Се натпреварувам со самиот себе, не против останатите.“
„Ако децата не се запознаени со музика уште од млади години, навистина сметам дека нешто многу значајно е одземено од нив.“
„За мене можноста да се создаде музика е најсреќна активност, најсовршената експресија на секоја емоција.“
„Ако ме видиш еднаш, не можеш да ме помешаш со некој друг.“
„ Јас сум тенор. Се слушам само себеси.“
„Да се има добар глас не е исто со тоа да се биде и добар пејач.“
„Луѓето имаат право да критикуваат.“
„Музиката не е елитна. Извинете, но музиката мора да биде за сите.“
„Да научите музика читајќи само за неа е исто како и да водите љубов преку меил.“
„Дали се плашам од високите ноти?! Нормално дека се плашам. Кој нормален човек не би го имал тој страв?“
При објавување на материјали од порталот www.hybread.mk во друг медиум, задолжително наведете го изворот од кој е преземен текстот
