Ако сакате да бидете добар готвач, морате да бидете себични. Јас сум најсебичниот човек на светот кога се во прашање добрите вкусови и мислам дека тоа ме прави добар готвач.
Гордон Ремзи, еден од најдобрите и најуникатни готвачи на денешницата. Тој важи за неверојатно инвентивен човек кој креативноста ја покажува преку начинот на кој готви.
Нема проблем да го каже своето мислење за околината, а посебно за неговите колеги готвачи кој го уживаат планетарниот успех како него.
Мора да признаеме дека има фантастична харизма која веднаш се забележува и ја поседува онаа британска арогантност која го прави уште поуникатен.
Неговото полно име Гордон Џејмс Ремзи, тој е по потекло од Шкотска, а за себе вели дека е човек полн со страст кон тоа што го работи. Не влегува во ниту еден стереотип за готвач, не носи бела капа на главата и нема вишок килограми.
Води здрав начин на живот, јаде 4-5 пати во текот на денот во мали количини, го сака трчањето и редовно учествува на Њујоршкиот маратон.
Неговото шоу Hell’s Kitchen е едно од најгледаните токму заради неговиот пристап и харизма.
Што не сте знаеле за Гордон Ремзи:
- Интересен е податокот дека пред да се прослави со готвењето, тој се занимавал професионално со фудбал.
- Има високо образование, диплома за хотелски менаџмент од Норт Окстон техничкиот колеџ.
- Важи за семеен човек, живее во Лондон со сопругата и четирите деца.
- Тој има работено со познатиот готвач Мек Пјер Вајт, водителот и автор на емисијата „Chopping Block“.
- Toј е автор на 11 книги за готвење и две автобиографии.
- Сопственик и главен готвач на 19 ресторани.
- Добитник е на многу награди.
Неговиот совет до сите оние кои сакаат да готват е:
„Ако сакате да бидете добар готвач, морате да бидете себични. Јас сум најсебичниот човек на светот кога се во прашање добрите вкусови и мислам дека тоа ме прави добар готвач.“
При објавување на материјали од порталот www.hybread.mk во друг медиум, задолжително наведете го изворот од кој е преземен текстот.
