Градот Амстердам ги презема долговите на своите млади граѓани, како дел од процесот да ги ослободи од борбата со финансии за можат да почнат на работа или да продолжат со образование.
За растот на задолжувањето кај младите во Холандија – тренд што одекнуваше на друго место во Европа, вклучително и Велика Британија, се вели дека стои на патот на младите да најдат работа или пак да се дообразоваат.
Според пробниот проект во градот, општинската кредитна банка ќе преговара со доверителите за да ги откупи долговите. Оние што се на листата и дел од проектот,ќе добијат заем во согласност со нивните средства за да ги отплатат долговите .
Доверителите ќе добијат 750 € како поттик да го пренесат долгот кон банката на општината. Поголемиот дел од долгот ќе биде откажан доколку успешно се вклучат во обука или во друга едукативна програма.
„Долговите предизвикуваат голем стрес. И во случајот со младите, долговите честопати ја одредуваат нивната иднина “, рече заменик-градоначалникот на Амстердам, Марџолин Морман, а пренесува Гардијан.
„Поголемиот дел од овие млади луѓе имаа заостанати долгови и заради лошата среќа или незнаење, се најдоа во ситуација од која не можеа да излезат без помош. Затоа сега ќе им помогнеме за да можат имаат нов почеток “.
Повеќе од една третина (34%) од граѓаните на Амстердам на возраст меѓу 18 и 34 години имаат долгови, покажуваат официјалните бројки. Просечниот студентски долг во Холандија се зголеми од 12.400 евра во 2015 година на 13.700 € во 2019 година. Бројот на лица со студентски долг се зголеми,од 388,000 достигна 1,4 милиони евра.
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
