Американската актерка Џејми Ли Кертис е лице од филмското платно кое последниве години како да го подзаборавија. Иако беше ѕвезда во 90-те, во последно време нема улога која го привлекува вниманието на јавноста. Таа вели дека Холивуд ја дискриминира на основа на годините, што не е за изненадување, бидејќи тоа се случува со години наназад.
Но, нејзиниот проблем не се годините, туку зависноста од дрога и алкохол кои влијае на кариерата на Кертис. Славната актерка со години имаше проблеми со опијатите, иако сега вели дека 18 години е трезна и ‘чиста’.
Уште во своите помлади денови се одлучила на пластична операција, односно мини хируршки зафат за подигнување на подочниците само заради коментар на еден од снимателите со кои соработувала кој и рекол дека има висечки кеси под очите.
После тоа, почнал пеколот.
“Станав зависна од дрога, се навлеков на лекови против болки после естетскиот зафат, а оваа зависност траеше наредните 10 години. Напорно работев само за да останам ‘чиста'” – изјавила таа американскиот магазин Daily Bliss.
Додава дека заедно со лековите против болки, чест пријател и бил алкохолот.
“Тоа е семејна болест. Моите родители целиот свој живот беа алкохоличари, а мојот брат почина кога имаше 20 години од предозирање со хероин. Ако останам трезна до крајот на животот, тоа ќе биде моето најголемо достигнување” – вели актерката.
Кога се развеле родителите, таа имала само 3 години и бидејќи била најмладо дете во семејството, нивната разделба ја доживеала како свој неуспех.
Покрај животните несреќи и предизвици, таа денес е среќно омажена, во брак е со Кристофер Гест и има две деца.
Некои од нејзините најпознати филмови се:
Halloween од 1978 година кој беше и филмско деби. Потоа следеа продолженијата на овој филм Halloween II, Halloween H20: 20 Years Later и Halloween: Resurrection.
Trading Places од 1983 година, улога која и донесе престижната награда BAFTA
Fish Called Wanda од 1988 година.
True Lies од 1994 година
Freaky Friday од 2003 година
При објавување на материјали од порталот www.hybread.mk во друг медиум, задолжително наведете го изворот од кој е преземен текстот.
