Од џемпери направени од мерино волна до јакни сo гускини и паткини пердуви, сите ние наоѓаме начин како да се затоплиме во текот на зимата. Повеќе од порано, денес е актуелен алтернативниот начин на затoплување кој не вклучува жртва на птици и животни, а тоа е облека која е направена од синтетика и полиестер. Но, тоа што редовно се заборава е фактот што во првата ситуација во процесот често се случува доколку се употребат пердуви од стари гуски, да останат лоши бактерии кои може да предизвикаат осип. Уште потрагичен е фактот што на многу суров начин се обезбедуваат пердувите и притоа нема начин како птиците да не страдаат.
Во втората ситуација пак, синтетичките производи не се еко-пријателски бидејќи со нивното постоење придонесуваат во зголемување на процентот на загадување со пластика.
Која е алтернативата?
PANGAIA е компанија која што има една цел – да ја спаси животната средина. Множество од научници, технолози, дизајнери креираат основни производи од иновативни технолошки и био-инженерски материјали кои се за секојдневна употреба.
Тие велат дека погледот на светот кон модните избори и начинот на производство може да се промени доколку на луѓето им се понуди алтернатива.
PANGAIA создаваат облека од диви цвеќиња кои ги собираат од области каде што постои можност за обнова. Овој вид регенеративно земјоделство резултира во намалување на производството на штетни гасови (12 тони CO2 на хектар растителен материјал). Методот исто така помага да се зачуваат подземните води, бидејќи не е потребно наводнување
За јакните кои ги произведуваат тие велат дека не само што ја одржуваат топлината на телото, туку и кожата може да дише во нив, а исто така се и хипоалергени. Најголемата придобивка е што се создадени без насилство врз животните, а сепак на крај ја имаат истата функција и цел.
Технологијата која што се употребува е патентирана од стрaна на компанијата, а од таму велат дека имаат за цел со секоја технологија со која работат, да пробаат да решат проблем со животната средина преку модната индустрија.
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
