Родителството бара многу флексибилност, но и креативност. Тоа е процес на воспоставување рамнотежа при незгодни ситуации кои овозможуваат детето да научи од нив што е можно повеќе. И никогаш не завршува. Рози Ламфер, мајка-блогерка, даде одличен пример за тоа. Таа на својот блог “Play At Home Mom” го сподели сопственото искуство кое веднаш стана вирално.
Нејзината 9 годишна ќерка и признала дека направила дупка во ѕидот, била исплашена и се чувствувала виновна, знаејќи дека направила нешто погрешно. Рози не се вознемирила и добро размислила како да изреагира. Целата ситуација детално ја опишала на нејзиниот блог:
“Ќерките вчера си играа дома и едната од нив се потпрела и навалила на гипс-картонот. Мојата 9 годишна ќерка се симна долу и плачејќи ми рече дека мора нешто да ми покаже. Се качив и го видов оштетениот ѕид. Нејзиното каење беше очигледно. Не и треба да направам да се чувствува виновно, не и треба да ја засрамам или ситуацијата да ја направам потешка отколку што веќе е. Се симнав долу и му кажав на сопругот дека децата направија голема дупка на ѕидот, а ќерката е многу вознемирена и собира храброст како да му каже. Му дадов два избора:
1. Да и се дереме и да направиме да се почувствува уште поужасно.
2. Да го прифатиме тоа мало девојче така прекрасно какво што е…. дури и кога греши.
Нашиот одговор 100% ќе одреди како таа во иднина ќе ни се обраќа за направените грешки. Како ќе постапиме?
Денес, ќерка ни се движи низ дома со повеќе доверба. Се чувствува сакана и поврзана. Знае дека е безбедна и дека во иднина може да им се обрати на родителите за секој проблем. И покрај се, таа чувствува вина. Ја понуди својата заштеда, се понуди да помогне да се поправи ѕидот и се откажа од Божиќен подарок оваа година. Неа не и требаа родителите кои се дерат за да ја сфати својата лекција. Тоа го сфати и сама од себе.” – напишала мајката на својот блог.
На крај, ќерката немала храброст да признае пред таткото, но затоа му напишала порака:
Извор: boredpanda.com
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
