Нема таков човек кој не се воодушевува на зборовите на Руми, поет, филозоф, мистик, правник, вљубеник во недопирливото. Вистинското име на Руми е Џелалудин Мевлана Балкхи. Се родил на 30-ти септември, 1207 г., во Балкх, во провинцијата Корасан, дел од сегашен Авганистан, тогашен дел од Персиската империја. Помеѓу 1215-та и 1220-та, тој и неговото семејство побегнале пред заканата од инвазија на Монголите и емигрирале во Конја, во областа Рум во денешна Турција. Нешто подоцна станал познат како Руми.
Се потрудивме да го одбереме најинспиративното од Мевлана Руми…
„Вчера бев паметен и сакав да го променам светот, денес сум мудар и ќе се променам себеси“.
„Тоа е твој пат и само твој. Другите може да одат покрај тебе, но никој не може да го изоди за тебе“.
„Кога ќе почнеш да чекориш по патот, тој сам ќе се отвори“.
„Сакам да пеам како што пеат птиците, без да се грижам за тоа кој слуша или што мисли.“
„Патувањето носи моќ и љубов назад во вашиот живот.“
„Зошто да останам на дното од бунарот кога имам цврсто јаже во мојата рака?“
„Во дарежливоста и помагањето, бидете како водата која тече.“
„Раната е местото каде што Светлината влегува во вас.“
„Кога пијаниот заталкува на улица, децата си играат мајтап со него. Паѓа тој во калта. Поаѓа по секој и било кој пат. Децата го следат без да го знаат вкусот на виното, без да знаат како е да си опиен. Сите луѓе на земјава се деца, освен неколку малубројни. Никој не е возрасен освен оние слободни од жедба.“
„Вашата задача не е да барате љубов, туку едноставно да ги барате и најдете сите препреки во вас кои сте ги изградиле против неа.“
„Носете ја благодарноста како наметка и таа секојдневно ќе го исхранува секој агол од вашиот живот.“
„Бегајте од тоа што е удобно. Заборавете на безбедноста. Живејте онаму каде што се плашите да живеете.“
