Астрономите кои ловат радио сигнали од вонземски цивилизации откриле „интригантен сигнал“ од правецот на Проксима Кентаури, најблискиот ѕвезден систем до Сонцето, објави „Гардијан“.
Истражувачите сè уште подготвуваат официјално објаснување за сознанието, а податоците во целост не се објавени во јавноста. Како што наведува весникот, сигналот е, наводно, сигнал од 980 MHz радио бранови, а првпат бил откриен во април и мај 2019 година во опсерваторијата Паркес во Австралија.
Таа фреквенција е важна затоа што, како што истакнува „Сајентифик Американ“, во тој опсег на радио бранови обично нема сигнали од емитери и сателити направени од луѓе.
Се чини дека овој сигнал дошол директно од системот Проксима Кентаури, на само 4,2 светлосни години од Земјата. Уште поизвесно: Сигналот, наводно, малку осцилирал додека се следел, што личело на поместување предизвикано од движење на планета.
Гардијан цитира неименуван извор со очигледен пристап до податоците на овој сигнал, кој вели: „Тој е првиот сериозен кандидат за комуникација со вонземјани по „Wow! Сигналот“, познат радио сигнал откриен во 1977 година, кој исто така личеше на техносигнатура.
Софија Шејк од Државниот универзитет Пен, која ја водела анализата на сигналот за Breakthrough Listen, ја изразила својата возбуда:
„Тоа е највозбудливиот сигнал што го најдовме во проектот затоа што претходно не сме имале слично откритеи коешто ги минало сите наши филтри“, изјавила Шејк, додавајќи дека сега сигналот се нарекува „Кандидат 1“ или „BLC1“.
