Научниците велат дека пожарите кои се случија низ светот изминативе години, особено огромните пожари во Австралија се само мал дел од она што светот би го искусил како покачување на температурите.
Додека природните временски услови ги предизвикаа неодамнешните пожари, истражувачите велат дека и недосстатокот на човековиот „здрав разум“ исто така игра улога.
Минатата година беше постигнат рекордот за најтоплата и најсушна година во Австралија.
Истражувачите од Велика Британија спроведоа брза анализа на влијанието на климатските промени врз ризикот од пожари што се случуваат низ целиот свет. Нивната студија разгледала 57 научни трудови кои биле објавени по последниот голем преглед за климатските промени во 2013 година.
Сите студии во прегледот покажале одредена врска помеѓу климатските промени и зголемената фреквенција или сериозноста на пожарот.
Што значи тоа?
Големиот ризик за настанување на пожари е поради комбинацијата на високи температури, мала влажност, ниски врнежни на дожд и големи ветрови.
Природните временски расположенија со сигурност одиграа значајна улога во создавање на соодветни услови за пожари. Но, влијанието на човекот во климатски промени исто така не смее да се игнорира.
Според светските статистики, 2019та година не само што се смета за најтопла година на планетата Земја, туку ова е и најтоплата деценија некогаш. Особено последните 5 години се најтоплите во последните 140 години како што покажале мерките на планетарната температура.
Од друга страна, мразот на Антартикот неконтролирано се топи и научниците се обидуваат да дојдат до соодветно решение што е можно побрзо.
Се очекува до крајот на овој век, светот да биде потопол за уште неколку степени Целзиусови во просек, а што би се случувало тогаш не сакаме ни да замислиме.
При објавување на материјали од порталот www.hybrid.mk во друг медиум, задолжително наведете го изворот од кој е преземен текстот.
